ALPHABir gün uğurları ilə tanınan bir iş qadınına uğurlarının sirrini soruşdum.
– Uğurumun sirri sadədir, – deyə gülümsəyərək cavab verdi. – Uğur xırda davalardan vaz keçdikdən və həyatımın məsuliyyətini öz üzərimə aldıqdan sonra gəldi.
– Mən arxamca qiybət edənlərlə mübarizə aparmaqdan vaz keçdim;
– Qohumlarımın söz-söhbətləri ilə özümü yormaqdan vaz keçdim;
– Sevgi və diqqət üçün vuruşmaqdan vaz keçdim;
– Cahil insanlarla öz hüququmu müzakirə etməkdən vaz keçdim;
– Mənə aid olmayan söhbətlərin içərisində olmaqdan vaz keçdim;
– Nəhayət, hamının xoşuna gəlməkdən vaz keçdim.
Bütün bunları isə o insanlara buraxdım ki, həyatlarında mübarizə aparacaq heç nələri yoxdur.
Sonra isə mən öz xəyallarım, hədəflərim, ideyalarım, xoşxbətliyim və taleyim üçün mübarizə aparmağa başladım.
Bax, xırda davalardan vaz keçdiyim o gün mənim daha xoşbəxt və uğurlu həyatımın başlanğıcı oldu.
Nəticə: İçində olduğumuz mübarizələr şəxsiyyətimizin böyüklüyünün göstəricisidir. Böyümək istəyiriksə, həyat mübarizəmizi xırda məsələlərdən uzaq tutmalıyıq.
© 2020 · coaching.az
